इटहरी । प्रदेश १ मा आज (सोमबार) ९३७ जनामा कोरोना सङ्क्रमण पुष्टि भएको छ। दैनिक सङ्क्रमण सङ्ख्या अहिले सम्मकै उच्च हो । गत वर्षको कात्तिक ४ गते प्रदेश १ मा दैनिक सङ्क्रमित सङ्ख्या ८७० पुगेको थियो।

सामाजिक विकास मन्त्रालयका अनुसार आज मोरङमा ३९८, झापामा २६३, सुनसरीमा ८७, उदयपुरमा ५२, ताप्लेजुङमा ३८, तेह्रथुममा ३०, इलाममा ११, पाँचथरमा ६, खोटाङमा ४, सङ्खुवासभामा ३, भोजपुरमा २, धनकुटामा १ र प्रदेश १ बाहिरका ४२ जनामा सङ्क्रमण पुष्टि भएको हो।

मोरङको विराटनगरमा १२४ महिला र १७७ पुरुष सहित ३०१ जना, सुन्दरहरैचामा ३५, कटहरिमा १३, उर्लाबारी र बुढीगंगामा ९-९, पथरीशनिश्चरेमा ८, बेलबारी र ग्रामथानमा ४-४, रङ्गेली, कानेपोखरी, केराबारी र मिक्लाजुङमा ३-३, धनपालथान, सुनबर्षी र स्थानीय तह नखुलेका १-१, झापाको भद्रपुरमा ६३, बिर्तामोडमा ४२, दमकमा ३४, मेचीनगरमा २५, अर्जुनधारा र कनकाईमा २०-२०, बुद्धशान्तिमा १७, गौरादहमा १४, कचनकवलमा ८, कमल गाउँपालिकामा ७, बाह्रदशीमा ४, स्थानीय तह नखुलेका ३, स्थानीय हाल्दिबारी र झापा गाउँपालिकामा २-२, शिवसताक्षी र गौरीगञ्जमा १-१, सुनसरीको धरानमा २८, इटहरीमा २५, इनरुवामा १४, कोसी गाउँपालिकामा ४, दुहबी, भोक्राहानरसिंह र देवानगञ्ज ३-३, बराहक्षेत्र र स्थानीय तह नखुलेका २-२, गढी, हरिनगर र बर्जुमा १-१ जनामा सङ्क्रमण देखिएको सामाजिक विकास मन्त्रालयले जनाएको छ।

त्यसैगरि उदयपुरको बेलकामा ४२, त्रियुगा र स्थानीय तह नखुलेका ३-३,चौदण्डीगढी र कटारी २-२, ताप्लेजुङको फुङलिङमा ३४, मेरिङदेन, मिक्वाखोला, सिदिङ्वा र स्थानीय तह नखुलेका १(१, तेह्रथुमको म्याङ्लुङमा २८, मेन्छयायेम र स्थानीय तह नखुलेका १-१, इलामको इलाम नगरपालिकामा ६, चुलाचुलीमा २, देउमाई, रोङ र सूर्योदयमा १(१, पाँचथरको फालेलुङमा ५ र फिदिममा १, खोटाङको खोटेहाङमा ३ र स्थानीय तह नखुलेका १, सङ्खुवासभाको खाँदबारीमा २, पाँचखपनमा १, भोजपुरमा २, धनकुटामा १ र प्रदेश १ बाहिरका ४२ जनामा सङ्क्रमण पुष्टि भएको हो ।

प्रदेश १ मा कोरोना सङ्क्रमितको सङ्ख्या ३८ हजार ९२० पुगेको छ । सङ्क्रमित भएका मध्ये ३० हजार ३०२ सङ्क्रमणमुक्त भएका छन् ।

आज ७० जना सङ्क्रमण मुक्त भएका छन् । सक्रिय सङ्क्रमितको सङ्ख्या ८ हजार ५० पुगेको छ । प्रदेश १ मा आज १ हजार ९८२ जनाको पीसीआर परीक्षण गरिएको छ।

परीक्षण गरिएका मध्ये ३८७ महिला र ५५० पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।

तपाईको प्रतिक्रिया